apne naḳhun apne chehre par ḳharashen de ga.e
ghar ke darvaze pe kuchh bhuke sada.en de ga.e
jagte logon ne shab-maron ki jab chalne na di
din chaḌhe vo raushni ko bad-dua.en de ga.e
ḳhud hi apne haath kaaTe aur anhken phoḌ liin
devtaon ko pujari kiya saza.en de ga.e
ek apni zaat ke nuqte ko markaz maan kar
hauslon ke zaviye behad ḳhala.en de ga.e
tez tufanon ne sahil raund Daale the magar
jab vo Takra.e pahaḌon se ghaTa.en de ga.e
Leave a Reply