Swapnil Tiwari
apne ḳhvabon ko ik din sajate hue
gir paḌe chand taron ko laate hue
ek pul par khaḌa shaam ka aftab
sab ko takta hai bas aate jaate hue
ek patthar mire sar pe aa kar laga
kuchh phalon ko shajar se girate hue
ai ghazal teri mahfil men paa.i jagah
ik ghalicha bichhate uThate hue
sub.h ik giit kanon men kya paḌ gaya
kaT gaya din vahi gungunate hue
zaat se apni ‘atish’ tha ghafil bahut
jal gaya ḳhud diya ik jalate hue
Leave a Reply