Saail Dehlvi
zom na kiijo sham.a-ru bazm ke soz o saaz par
rakhiyo nazar baja-e-naz ḳhatir-e-pir-e-naz par
zeb nahin hai shaiḳh ye mai-kash-e-pak-baz par
tohmaten sau laga.ega dagh-e-jabin niyaz par
kahta huun har hasin se main niyat-e-ishq hai miri
aa.ega mera dil magar shahid-e-dil-navaz par
farq hayat o marg ka murgh-e-chaman ke dil se puchh
deta hai fauq daam ko changul-e-shah-baz par
ḳhvab-e-lahad hai pur-sukun ahd-e-hayat pur-alam
maut na kyuun ho tana-zan zindagi-e-daraz par
sang-e-dar-e-habib par hota huun sajda-rez main
ḳhalq-e-ḳhuda hai mo’tariz mujh pe miri namaz par
mun.im-e-be-basar yunhi dekhiye ta-kuja rahe
mahv-e-nashat o ḳhush-dili naghma-e-tar-e-saz par
faḳhr-e-amal na chahiye sa.i-e-amal zarur hai
aankh rahe lagi hui rahmat-e-karsaz par
dar pe buton ke di sada ‘sa.el’-e-be-nava ne ye
fazl-e-ḳhuda rahe mudam hal-e-gada-navaz par
Leave a Reply