vo jo mere paas se ho kar kisi ke ghar gaya
reshmi malbus ki ḳhushbu se jaadu kar gaya
ik jhalak dekhi thi us ru-e-dil-ara ki kabhi
phir na ankhon se vo aisa dilruba manzar gaya
shahr ki galiyon men gahri tirgi giryan rahi
raat badal is tarah aa.e ki main to Dar gaya
thi vatan men muntazir jis ki koi chashm-e-hasin
vo musafir jaane kis sahra men jal kar mar gaya
sub.h-e-kazib ki hava men dard tha kitna ‘munir’
rail ki siiTi baji to dil lahu se bhar gaya
Leave a Reply