Qateel Shifai

Apne Honton Par Sajaana Chahta Hun

apne honton par sajana chahta huun

aa tujhe main gungunana chahta huun

koi aansu tere daman par gira kar

buund ko moti banana chahta huun

thak gaya main karte karte yaad tujh ko

ab tujhe main yaad aana chahta huun

chha raha hai saari basti men andhera

raushni ko, ghar jalana chahta huun

akhri hichki tire zaanu pe aae

maut bhi main shairana chahta huun

Leave a Comment