Parnav Mishra Tejas
udhar ruki hui hai raat jugnuon ka raqs hai
idhar nadi ke husn par siyahiyon ka raqs hai
chhipi hui hai chandni safed badalon ke biich
sukut ki imaraton pe bijliyon ka raqs hai
utarti tairti nazar ye yad-e-yar ka safar
isi ḳhala ke darmiyan azdahon ka raqs hai
jahan se ḳhatm ho rahi vahin se phir bani na.i
miri ujaaḌ fikr men tabahiyon ka raqs hai
na.i ruton ki mauj men purane gham ki dastan
so kuchh naya nahin hai dost zaviyon ka raqs hai
Leave a Reply