Alok Yadav
anjuman men jo miri itni ziya hai sahab
ḳhun-e-dil mere charaghon ki ghiza hai sahab
but-shikan nikla vahi samjha tha jis ko but-gar
jis men rahta tha vahi toḌ gaya hai sahab
aankh se aansu chura le gaya lekin vo shaḳhs
be-guhar siip yahin chhoḌ gaya hai sahab
mujh ko jannat ke nazare bhi nahin jachte hain
shahr-e-janan hi tasavvur men basa hai sahab
regzaron ke safar pe jo chale ho ‘alok’
koi ankhon men liye ashk khaḌa hai sahab
Leave a Reply