Anjum Agar Nahin dar-E-dildar Tak Pahunch

‘anjum’ agar nahin dar-e-dildar tak pahunch

ho jaae kaash rauzan-e-divar tak pahunch

jaata hai koi kaabe ko aur koi su-e-dair

mujh rind ki hai khana-e-khummar tak pahunch

naale ki na-rasai ne aajiz kiya hamen

ho jaati varna aap ki sarkar tak pahunch

ye kya hai baitha baten banata hai duur se

iisa agar bana hai to bimar tak pahunch

le jaegi baha ke kabhi sail-e-chashm-e-tar

‘anjum’ kabhi to hogi dar-e-yar tak pahunch