Parwez Rahmani
andheron se agar a.ina-samani hui hogi
baḌi mushkil se koi shakl nurani hui hogi
charaghon ke pate milte nahin shab-gah-e-hasti men
hava-e-sham tujh se koi nadani hui hogi
nahin mujh sa koi tanha zamane men hua hoga
na abade men is surat bayabani hui hogi
nazar ke samne phaila hua dashtab sa kya hai
yaqinan ab-zaron men shatarbani hui hogi
paron par asmani vasvase lipTe rahe honge
parindon se tabhi parvaz gardani hui hogi
phir apna hissa lene aaj ḳhuddari nahin aa.i
zamin-daron se baTvare men man-mani hui hogi
shikar-e-sher-shor-angez un ke haath aa jaa.e
isi zid men harifon se ghazal-rani hui hogi
yuun barfani havaon se uqaab uljhe agar honge
to shiryanon men bahti aag bhi paani hui hogi
nikale honge jab afkar ne sheron men gul-buTe
tabhi koi ghazal ‘parvez’ rahmani hui hogi
Leave a Reply