andhere ghar men charaghon se kuchh na kaam liya
ki apne aap se yuun ham ne intiqam liya
tumhare shahr se saughat aur kya milti
kisi se pyaas li main ne kisi se jaam liya
mire zaval ki vo sa.aten rahi hongi
tumhen pukar ke daman kisi ka thaam liya
shajar shajar miri parvaz thi hava ki tarah
khuli faza men mujhe kis ne zer-e-dam liya
ajiib chiiz hai ‘shahid’ ye ḳhud-shanasi bhi
salib-o-dar pe bhi main ne apna naam liya
Leave a Reply