Poet
andaz-e-suḳhan maslahat-amez bahut hai
phir bhi ye ada teri dil-avez bahut hai
ashufta-mizaji pe miri tanz na kiije
andaz-e-jahan bhi to junun-ḳhez bahut hai
ham se vo mila hai to khule dil se mila hai
duniya ko shikayat hai kam-amez bahut hai
ham us se juda ho ke bhi yuun jhuum rahe hain
jaise ki ye lamha bhi tarab-ḳhez bahut hai
ik baar bhi tharra.i na lau sham-e-vafa ki
sunte the zamane ki hava tez bahut hai
tum abr-e-karam ban ke zara aa ke to dekho
ḳhak-e-dil-e-barbad bhi zarḳhez bahut hai
kuchh aur shikayat to nahin teri nazar se
ye baat alag hai ki zara tez bahut hai
ab dekhiye kis rang men ye shaam Dhalegi
kuchh gardish-e-halat ki lai tez bahut hai
Leave a Reply