Khursheed Rizvi
aks ne mere rulaya hai mujhe
koi apna nazar aaya hai mujhe
pesh-e-a.ina bahut sochta huun
kis liye us ne banaya hai mujhe
kis liye vus.at-e-sahra de kar
tang galiyon men phiraya hai mujhe
kis liye mere hi sehn-e-jan men
misl-e-divar uThaya hai mujhe
main kahin aur ka rahne vaala
gham kahan khinch ke laaya hai mujhe
jis men us chhanv ki yaad aa jaa.e
ab to vo dhuup bhi saaya hai mujhe
nigah-e-naz se kyunkar puchhun
kyuun nigahon se giraya hai mujhe
haath men le ke gireban mera
dil ne dil bhar ke sataya hai mujhe
saḳht hairan huun sar-e-koh-e-nida
kaun tha kis ne bulaya hai mujhe
Leave a Reply