Akhlaq Ahmad Ahan
akele akele hi pa li rihai
mujhe maare jaati hai teri judai
ye ahang-e-naghma ye rang-e-taghazzul
har ik chiiz teri hi ḳhatir rachai
mari jaan ye kaisa sitam vaqt ka hai
hai meri hi qismat men nauha-sarai
sitaron ki gardish dilon ka bichhaḌna
ye kaise ḳhuda ki hai kaisi ḳhudai
na puchho abhi haal ‘ahan’ ka yaaro
kabhi jan-ba-lab hai kabhi jan-fidai
Leave a Reply