ajiib saneha guzra hai in gharon pe koi
ki chaunkta hi nahin ab to dastakon pe koi
ujaaḌ shahar ke raste jo ab sunate hain
yaqin karta hai kab un kahaniyon pe koi
hai baat duur ki manzil ka sochna ab tu
ki rasta khulta nahin hai musafiron pe koi
vo ḳhauf hai ki badan pattharon men Dhalne lage
ajab ghaḌi ki dua bhi nahin labon pe koi
hava bhi tez na thi jab parinda aa ke gira
nahin tha zaḳhm bhi ‘javed’ in paron pe koi
Leave a Reply