kaliyon ki mahak hota taron ki ziya hota
main bhi tire gulshan men phulon ka ḳhuda hota
har chiiz zamane ki a.ina-dil hoti
ḳhamosh mohabbat ka itna to sila hota
tum hal-e-pareshan ki pursish ke liye aate
sahra-e-tamanna men mela sa laga hota
har gaam pe kaam aate zulfon ke tiri saa.e
ye qafila-e-hasti be-rahnuma hota
ehsas ki Daali par ik phuul mahakta hai
zulfon ke liye tum ne ik roz chuna hota
Leave a Reply