Kaliyon Ki Mahak Hota Taron Ki Ziya Hota

kaliyoñ kī mahak hotā tāroñ kī ziyā hotā

maiñ bhī tire gulshan meñ phūloñ kā ḳhudā hotā

har chiiz zamāne kī ā.īna-dil hotī

ḳhāmosh mohabbat kā itnā to sila hotā

tum hāl-e-pareshāñ kī pursish ke liye aate

sahrā-e-tamannā meñ mela sā lagā hotā

har gaam pe kaam aate zulfoñ ke tirī saa.e

ye qāfila-e-hastī be-rāhnumā hotā

ehsās kī Daalī par ik phuul mahaktā hai

zulfoñ ke liye tum ne ik roz chunā hotā

Leave a Comment