ajiib ḳhauf musallat tha kal haveli par
lahu charagh jalati rahi hatheli par
sunega kaun magar ehtijaj ḳhushbu ka
ki saanp zahar chhiḌakta raha chameli par
shab-e-firaq miri aankh ko thakan se bacha
ki niind vaar na kar de tiri saheli par
vo bevafa tha to phir itna mehrban kyuun tha
bichhaḌ ke us se main sochun usi paheli par
jala na ghar ka andhera charagh se ‘mohsin’
sitam na kar miri jaan apne yaar beli par
Leave a Reply