Sufi
ajiib karb sa hai zindagi ke chehre par
andhera jaise kisi raushni ke chehre par
yaqin kaise karun main tumhari baton ka
ki qatre ashk ke hain shoalagi ke chehre par
chhupa mila mujhe gham ki siyah raton men
jise main dhund raha huun khushi ke chehre par
zamane-bhar men hue hadse jo roz-o-shab
numayan hain vo miri shairi ke chehre par
jo ik khulus tha napaid ho gaya ‘ahsan’
ghubar-e-bughz hai ab dosti ke chehre par
Leave a Reply