Sadaqat Ki Yahan Izzat Nahin Hai

sadaqat ki yahan izzat nahin hai

vafadari ki kuchh qimat nahin hai

jahan se vo gaya tha main vahin huun

magar jiine men vo lazzat nahin hai

zaban pe talkhiyan ankhon men ghussa

magar kirdar men khissat nahin hai

vaqar apna nahin kotah lekin

tire rutbe si bhi qamat nahin hai

rahe mitti ki khushbu yaad har-dam

to sansen rokti ghurbat nahin hai

jahalat men pali duniya men shayad

taaqqul se badi neamat nahin hai

chala chal sar utha kar yaar ‘naqid’

lagi ab tak koi tohmat nahin hai

More Poems

Leave a Comment