ajiib baat hai bimar hai nahin bhi hai
ye dil tumhara talabgar hai nahin bhi hai
hain mumkinat nihan is ada men shoḳhi men
labon pe un ke jo inkar hai nahin bhi hai
hai kaisa azm-e-safar kaisi chahat-e-manzil
safar ko karvan tayyar hai nahin bhi hai
ye apni apni samajh hai ye apna apna shu.ur
safar hayat ka dushvar hai nahin bhi hai
ye vaqt vaqt pe hai munhasir jo sach puchhen
‘obaid’ aap ka ḳhuddar hai nahin bhi hai
Leave a Reply