Ajib Baat Hai Bimar Hai Nahin Bhi Hai

ajiib baat hai bīmār hai nahīñ bhī hai

ye dil tumhārā talabgār hai nahīñ bhī hai

haiñ mumkināt nihāñ is adā meñ shoḳhī meñ

laboñ pe un ke jo inkār hai nahīñ bhī hai

hai kaisā azm-e-safar kaisī chāhat-e-manzil

safar ko kārvāñ tayyār hai nahīñ bhī hai

ye apnī apnī samajh hai ye apnā apnā shu.ūr

safar hayāt kā dushvār hai nahīñ bhī hai

ye vaqt vaqt pe hai munhasir jo sach pūchheñ

‘obaid’ aap kā ḳhuddār hai nahīñ bhī hai

Leave a Comment