Ajab Nahin Kabhi Naghma Bane Fughan Meri

ajab nahin kabhi naghma bane fughan meri

miri bahar men shamil hai ab khizan meri

main apne-ap ko auron men rakh ke dekhta huun

kahin fareb na hon dard-mandiyan meri

main apni quvvat-e-izhar ki talash men huun

vo shauq hai ki sambhalti nahin zaban meri

yahi sabab hai ki ahval-e-dil nahin kahta

kahun to aur ulajhti hain gutthiyan meri

main apne ijz pe nadim nahin huun ham-sukhano

hazar-shukr tabiat nahin ravan meri

More Poems

Leave a Comment