chamak rahe hain daranti ke tez dandane
khamida hal ki ye alhad javan nur-e-nazar
sunahri fasl men jis vaqt ghota-zan hogi
to ek giit chhidega musalsal aur daraz
‘nadim’ azal se hai takhliq ka yahi andaz
sitare boe gae aftab kaate gae
ham aftab zamir-e-jahan men boen ge
to ek roz aziim inqalab katenge
koi batae zamin ke ijara-daron ko
bula rahe hain jo guzri hui baharon ko
ki aaj bhi to usi shan-e-be-niyazi se
chamak rahe hain daranti ke tez dandane
sunahri fasl tak us ki chamak nahin mauquf
ki ab nizam-e-kohan bhi usi ki zad men hai
khamida hal ki ye alhad javan nur-e-nazar
jab is nizam men lahra ke ghota-zan hogi
to ek giit chhidega musalsal aur daraz
‘nadim’ azal se hai takhliq ka yahi andaz
sitare boe gae aftab kaate gae
Leave a Reply