ahmad-khayal

Ai Tassub Zada Duniya Tere Kirdar Pe Khak

ai taassub zada duniya tire kirdar pe khaak

bughz ki gard men lapte hue meaar pe khaak

ek arse se mari zaat men abad hai dasht

ek arse se padi hai dar-o-divar pe khaak

vo ghazalon se abhi siikh ke ram lauta hai

baal hain dhuul men gum aur lab-o-rukhsar pe khaak

mujhe palkon se safai ki saadat ho nasib

Daal kar jaae hua roz dar-e-yar pe khaak

ek khutba jo diya hazrat-e-zainab ne ‘khayal’

aaj tak Daal raha hai kisi darbar pe khaak

More Poems

Leave a Comment