Ai Salik Intizar-E-Haj Mein Kya Tu Hakka-Bakka Hai

ai salik intizar-e-haj men kya tu hakka-bakka hai

baghole sa tu kar le tauf-e-dil pahlu men makka hai

charagh-e-gul ko raushan kar diya aahon ke shoale se

hazaron darje bulbul ḳham-parvanon se pakka hai

jo hai har sang men pinhan so atish laal se chamki

sabhi men haq hai har aarif men kya seva jhamakka hai

gai niin bu-e-shir us lab se lekin dekh vo talat

vahi mahtab ka hai ab-o-afsurda ho chakka hai

ai rab irfan ke darpan ko na rove jauhar-e-ḳhvahish

havas ki mauj almas-e-safa-e-dil ko lakka hai

vo zulf-o-ru se jag hai kufr-o-iman ke taraddud men

do dil karne kuun ik aalam ke mera shoḳh pakka hai

dil-e-bairagi-e-‘uzlat’ men rakhta hai dam-e-hasti

kamar men uus miyan ke jaise saili ka mutakka hai

Leave a Comment