bain karne valon ne
mujhe adh khule haath se qubul kiya
insan ke do janam hain
phir shaam ka maqsad kya hai
main apni nigrani men rahi aur kam hoti chali gai
kutton ne jab chand dekha
apni poshak bhuul gae
main sabit qadam hi tuuti thi
ab tere bojh se dhans rahi huun
tanhai mujhe shikar kar rahi hai
ai mere sar-sabz khuda
khizan ke mausam men bhi main ne tujhe yaad kiya
qatil ki saza maqtul nahin
ghaib ki jangali-bel ko ghar tak kaise laun
phir ankhon ke taat pe main ne likkha
main ankhon se marti
tu qadmon se zinda ho jaati