Kaisi Sohbat Hai Kaisi Tanhai

Anjum Saleemi

kaisi sohbat hai kaisi tanha.i

ham hain ik dusre ki tanha.i

pahla din hai zamin pe aadam ka

pahli hijrat hai pahli tanha.i

aadhe bistar pe aa baḌho tum bhi

baanT len aadhi aadhi tanha.i

guftugu ne thaka diya hai bahut

aa miri dost meri tanha.i

jab ḳhuda bhi nahin tha saath mare

mujh pe biiti hai aisi tanha.i

main ne samjhi zaban ḳhamoshi ki

aisi majlis se achchhi tanha.i