sab ko bachao ḳhud bhi bacho fasla rakho
ab aur kuchh karo na karo fasla rakho
ḳhatra to muft men bhi nahin lena chahiye
ghar se nikal ke mol na lo fasla rakho
filhal is se bachne ka hai ek rasta
vo ye ki is se bach ke raho fasla rakho
dushman hai aur tarah ka jang aur tarah ki
aage baḌho na pichhe haTo fasla rakho
hal bhi talash kar liya ja.ega an-qarib
tum is vaba ko baḌhne na do fasla rakho
rakhne ki bas ye tiin hi chizen hain in dinon
himmat rakho yaqin rakho fasla rakho
karte ho jis tarah bure logon se ijtinab
achchhon se bhi gurez karo fasla rakho
Leave a Reply