Shafaq Sopori
ai mauja-e-sarab tu phankegi kitni ḳhaak
mujh ko Dubone ke liye chhanegi kitni ḳhaak
bach jaa.e musht-bhar sahi dafnane ke liye
mauj-e-bala-e-ishq men Dubegi kitni ḳhaak
kitne hasin ḳhvab taraste hain diid ko
a.ina-e-jamal pe baiThegi kitni ḳhaak
jis ke dar-o-daricha-o-divar hain tabah
is ḳhana-e-sukut ko puchhegi kitni ḳhaak
koi to chahiye hadd-e-ḳhsuh-fami-e-fareb
duniya tu meri aankh men jhonkegi kitni ḳhaak
kyuun jhuk ga.i hai bojh se tu asman ke
ab sar uTha ai zindagi chaTegi kitni ḳhaak
malan gulab dafn bhi gul-dan men hue
bhar bhar ke muTThiyan abhi Dalegi kitni ḳhaak
kab tak ‘shafaq’ chalegi ye andhi malal ki
mere udaas baam pe barsegi kitni ḳhaak
Leave a Reply