ai ḳhvahish-e-yak-tarfa-e-taraj-e-junun sun
sun dil ke qarin zamzama-e-kun-fayakun sun
sunne ki hai jo taab to phir khol dariche
ai gosh-e-mohabbat mira ahval-e-zubun sun
kyon is men jalata nahin tu yaad ki sham.en
kab tak tu rahega yuun tahi kunj-e-darun sun
ik baar vo aaya tha miri ishrat-e-shab men
taari hai mire dil pe vahi sham-e-fusun sun
ḳhamyaza-e-bedari-e-shab jhel rahi huun
ruTha hai ‘sahar’ mujh se mira ḳhvab-e-darun sun
Leave a Reply