kya kya diye fareb har ik e’tibar ne
apna bana diya hai tire intizar ne
kya jaane kitne ahl-e-tariqat ko aaj tak
gumrah kar diya hai tire rahguzar ne
kuchh un ki justuju hai na kuchh apni guftugu
ye kya bana diya sitam-e-rozgar ne
haan ai nigah-e-garm na kar muḳhtasar hayat
ham ko hazar bojh abhi hain utarne
uljhe hue hain gesu-e-janan men aaj tak
‘ali’ chale the kakul-e-giti sanvarne
Leave a Reply