vo meri bekasi par kaash thoḌa mehrban hota
pareshan-hal ho kar main yaqinan shadman hota
yaqin kar ki main tujh se bhi ziyada chahta us ko
jo mere jaisa tera aur koi qadr-dan hota
khare khoTe ka andaza tujhe bhi kuchh to lag jaata
raqib-e-ru-siyah ka jo liya gar imtihan hota
na hota dasht-o-virana agar sahra-e-be-payan
gharib ashiq koi abad phir ja kar kahan hota
makan is daur men pocket edition bante hain ‘ḳhushtar’
koi dalan angan aur koi sa.eban hota
Leave a Reply