a.enge nazar sub.h ke asar men ham log
baiThe hain abhi parda-e-asrar men ham log
laa.e ga.e pahle to sar-e-dasht-e-ijazat
maare ga.e phir vadi-e-inkar men ham log
ik manzar-e-hairat men fana ho ga.iin ankhen
aa.e the kisi mausam-e-didar men ham log
har rang hamara hai, har ik rang men ham hain
tasvir hue vaqt ki raftar men ham log
ye ḳhak-nashini hai bahut, zill-e-ilahi
jachte hi nahin jubba-o-dastar men ham log
ab yuun hai ki ik shaḳhs ka matam hai musalsal
chunva.e ga.e hijr ki divar men ham log
sunte the ki bikte hain yahan ḳhvab sunahre
phirte hain tire shahr ke bazar men ham log
Leave a Reply