aa.e kya kya yaad nazar jab paḌti in dalanon par
us ka kaghaz chipka dena ghar ke raushan-danon par
aaj bhi jaise shane par tum haath mire rakh deti ho
chalte chalte ruk jaata huun saari ki dukanon par
barkha ki to baat hi chhoḌo chanchal hai purva.i bhi
jaane kis ka sabz dupaTTa phenk ga.i hai dhanon par
shahr ke tapte fuTpathon par gaanv ke mausam saath chalen
buḌhe bargad haath sa rakh den mere jalte shanon par
saste damon le to aate lekin dil tha bhar aaya
jaane kis ka naam khuda tha pital ke gul-danon par
us ka kya man-bhed bata.un us ka kya andaz kahun
baat bhi meri sunna chahe haath bhi rakkhe kanon par
aur bhi siina kasne lagta aur kamar bal kha jaati
jab bhi us ke paanv phisalne lagte the Dhalvanon par
sher to un par likkhe lekin auron se mansub kiye
un ko kya kya ghussa aaya nazmon ke unvanon par
yaaro apne ishq ke qisse yuun bhi kam mash.hur nahin
kal to shayad novel likkhe jaa.en in rumanon par
Leave a Reply