poet

Aakhir Ko Rah-E-Ishq Mein Hum Sar Ke Bal Gae

akhir ko rah-e-ishq men ham sar ke bal gae

mushkil men haath paanv hamare nikal gae

kis kis ko yaad kar ke koi roe ai falak

ankhon ke aage laakh zamane badal gae

ushshaq-e-lucknow ki kashish dekh ai masih

london ke khub-ru bhi farangi-mahal gae

apna suragh puchhte phirte hain maut se

afat-zadon ke hijr men naqshe badal gae

badlo radif aur padho sher ai ‘munir’

kya faeda jo us ke qavafi badal gae

More Poems

Leave a Comment