Ai Ishq-E-Be-Niyaz Ye Kya Inqilab Hai

Poet

ai ishq-e-be-niyaz ye kya inqilab hai

gham kamyab hai na ḳhushi kamyab hai

masti men har fareb-e-ḳhirad be-naqab hai

is vaqt jo gunah bhi kiije savab hai

fikr-e-ma.al-e-ishq na ki ham ne ishq men

malum tha ki ḳhvab hi tabir-e-ḳhvab hai

rusva.iyan hain ishq ki me.araj-e-zindagi

ye tum ne kya kaha ki zamana ḳharab hai

gham par asar nahin hai kisi inqilab ka

aur gham baja-e-ḳhud asar-e-inqalab ka

hasil hai lutf-e-did magar ye ḳhabar nahin

tu be-hijab hai ki nazar be-hijab hai

‘shahid’ baghair vaj.h nahin nazm-e-ka.enat

is bazm-e-naz men koi dil baryab hai