darvaze ke andar ik darvaza aur
chhupa hua hai mujh men jaane kya kya aur
koi ant nahin man ke sune-pan ka
sannaTe ke paar hai ik sannaTa aur
kabhi to lagta hai jitna hai kaafi hai
aur kabhi lagta hai aur zara sa aur
sach kahne par ḳhush hona to duur raha
kiya zamane ne mujh ko sharminda aur
ajab musafir huun main mera safar ajiib
meri manzil aur hai mera rasta aur
auron jaise aur na jaane kitne hain
koi kahan hai lekin mere jaisa aur
Leave a Reply