ai dil-e-dard-ashna husn se rasm-o-rah kar
ishq hai ba.is-e-najat shauq se to gunah kar
lutf bhi gah-gah kar zulm bhi be-panah kar
jaise bhi tujh se ho sake mujh se magar nibah kar
mere saval-e-vasl par aaj vo mujh se kah ga.e
tu abhi chand roz aur hijr men aah aah kar
husn tire huzur ḳhud aa.e ba-iztirab-e-dil
ai dil-e-dard-ashna aisi bhi ek aah kar
shauq hai gar vaqar ka gulshan-e-rozgar men
phulon ke saath hi ‘aziz’ kanTon se bhi nibah kar
Leave a Reply