Ravish Siddiqi
kahin fasana-e-gham hai kahin ḳhushi ki pukar
sunega aaj yahan kaun zindagi ki pukar
ḳhuda shanas hai zahid magar nahin ma.alum
ki aadmi ko jagati hai aadmi ki pukar
libas-e-sub.h men hai koi rahbar-e-sadiq
jaga rahi hai andhere ko raushni ki pukar
fughan-e-ruh-e-mohabbat thi ya sada-e-habib
suni to hai dil-e-ḳhamosh ne kisi ki pukar
tira sukut na rusva kare ‘ravish’ tujh ko
ki duur duur pahunchti hai ḳhamushi ki pukar
Leave a Reply