ahl-e-dair-o-haram rah ga.e
tere divane kam rah ga.e
miT ga.e manzilon ke nishan
sirf naqsh-e-qadam rah ga.e
ham ne har shai sanvari magar
un ki zulfon ke ḳham rah ga.e
be-takalluf vo auron se hain
naaz uThane ko ham rah ga.e
rind jannat men ja bhi chuke
va.iz-e-mohtaram rah ga.e
dekh kar teri tasvir ko
aa.ina ban ke ham rah ga.e
ai ‘fana’ teri taqdir men
saari duniya ke gham rah ga.e
Leave a Reply