agarche munh se vo kahta nahin hai
magar haal us ka kuchh achchha nahin hai
muqabil a.ina hai sochta huun
ye chehra to mira chehra nahin hai
vahan karte rahe sahra-navardi
jahan koson koi saaya nahin hai
suno ki zard mausam ke asar se
gulon ka haal kuchh achchha nahin hai
jale sapne bujhi chashm-e-tamanna
magar ab tak koi aaya nahin hai
na jaane raat bhar kyon sochta huun
ye zindan hai mira kamra nahin hai
akele men milun pasha se kaise
kisi lamha bhi vo tanha nahin hai
Leave a Reply