Shahzad Ahmad
agarche kar-e-duniya kuchh nahin hai
magar is ke alava kuchh nahin hai
agar dharti pe badal hi na barsen
to ye dariya akela kuchh nahin hai
bahut naraz hain ik dusre se
magar donon men jhagḌa kuchh nahin hai
ye jo kuchh ho raha hai shahr bhar men
tamasha hai tamasha kuchh nahin hai
ye main huun jo badal jaata huun har roz
zamane men badalta kuchh nahin hai
agar jholi na phaila.i ga.i ho
to vo bedard deta kuchh nahin hai
ye duniya hai yunhi chalti rahegi
mire hone se hona kuchh nahin hai
Leave a Reply