raat aansu ko tiri aankh men dekha ham ne
rakh diya toḌ ke jaise koi taara ham ne
gum-shuda jism mile halqa-e-bazu jaage
shaam se oḌh liya aaj savera ham ne
gham men ḳhush rahte hain har saya-e-qurbat se duur
ab badal Daala mizaj ahl-e-vafa ka ham ne
os men mahki hui raat ke ponchhe aansu
sub.h ko de diya hansta hua chehra ham ne
ḳhatm ḳhush-fahmi-e-sairabi hui honTon tak
aankh se dekha hai pyasa koi dariya ham ne
chakh liya jazba-e-varafta ne ik rang-e-hayat
kar liya apne lab-e-sada ko jhuTa ham ne
Leave a Reply