agar ye rangini-e-jahan ka vajud hai aks-e-asman se
to phir ruḳh-e-sham-o-a.ina par khila hai ye rang-e-ḳhun kahan se
ruke rahenge fasil-e-zulmat ke da.ere par sabhi musafir
magar kisi ḳhvab ke jilau men charagh niklega karvan se
ruki hui hai jo ek mauj-e-sarab ki sat.h par ye duniya
to main bhi us ḳhvab ke nagar ka subut la.unga dastan se
ye aa.ina jam.a kar raha hai na.e jahazon ke aks lekin
ye ab-ju qat.a kar rahi hai kisi sitare ko darmiyan se
ye sach hai mil baiThne ki had tak to kaam aa.i hai ḳhush-gumani
magar dilon men ye dosti ki numud hai rahat-e-bayan se
musafir-e-ḳhvab ke liye hain ye meri ankhon ke phuul ‘sajid’
aur ik sitare ke dekhne ko ye aag utri hai sham.a-dan se
Leave a Reply