bashir-badr

Agar Talash Karun Koi Mil Hi Jaega

agar talash karun koi mil hi jaega

magar tumhari tarah kaun mujh ko chahega

tumhen zarur koi chahaton se dekhega

magar vo ankhen hamari kahan se laega

na jaane kab tire dil par nai si dastak ho

makan khali hua hai to koi aaega

main apni raah men divar ban ke baitha huun

agar vo aaya to kis raste se aaega

tumhare saath ye mausam farishton jaisa hai

tumhare baad ye mausam bahut sataega

More Poems

Leave a Comment