Agar Sawal Wo Karta Jawab Kya Leta

agar savāl vo kartā javāb kyā letā

ye ġham usī ne diyā thā hisāb kyā letā

bahut hujūm thā ta.abīr kī dukānoñ par

hamīñ the varna koī jins-e-ḳhvāb kyā letā

hamāre ahd meñ arzānī-e-naqāb na pūchh

maiñ kor chashmoñ kī ḳhātir naqāb kyā letā

furāt aaj ravāñ hai yazīd pyāsā hai

ye pyaas koī bujhā kar savāb kyā letā

are jise varaq-e-chehra-chehra yaad ho ‘shāz’

bhalā vo aadmī daras-e-kitāb kyā letā

Leave a Comment