Shaz Tamkanat
agar saval vo karta javab kya leta
ye gham usi ne diya tha hisab kya leta
bahut hujum tha ta.abir ki dukanon par
hamin the varna koi jins-e-ḳhvab kya leta
hamare ahd men arzani-e-naqab na puchh
main kor chashmon ki ḳhatir naqab kya leta
furat aaj ravan hai yazid pyasa hai
ye pyaas koi bujha kar savab kya leta
are jise varaq-e-chehra-chehra yaad ho ‘shaz’
bhala vo aadmi daras-e-kitab kya leta
Leave a Reply