Sufi Tabassum
afsana-ha-e-dard sunate chale ga.e
ḳhud ro.e dusron ko rulate chale ga.e
bharte rahe alam men fusun-e-tarab ka rang
in talḳhiyon men zahr milate chale ga.e
apne niyaz-e-shauq pe tha zindagi ko naaz
ham zindagi ke naaz uThate chale ga.e
har apni dastan ko kaha dastan-e-ghair
yuun bhi kisi ka raaz chhupate chale ga.e
main jitna un ki yaad bhulata chala gaya
vo aur bhi qarib-tar aate chale ga.e
Leave a Reply