Poet
adiib tha na main koi baḌa sahafi tha
zamana phir bhi mire fan ka e’tirafi tha
mujhe bhi zahr diya kyuun na haq-bayani par
ki ye gunah to na-qabil-e-muafi tha
kisi se ek bhi fitrat ka raaz khul na saka
agarche daur zamane ka inkishafi tha
musibaton ne to nahaq uTha.in taklifen
mujhe miTane ko mera shabab kaafi tha
dil-o-nazar na ulajhte to hal nikal aata
hazar mas.ala-e-did iḳhtilafi tha
vo meri raa.e se to muttafiq tha ai ‘fazil’
zarif-kar magar us ka inhirafi tha
Leave a Reply