Achchha Lagta Hai

mujhe phulon ka mausam

ped paude aur parinde aur bachche

achchhe lagte hain

mujhe ik duur tak jaati sadak par

chalte rahna achchha lagta hai

mujhe paani pe machhli ka uchhalna achchha lagta hai

mujhe titli ka phulon par bhatakna achchha lagta hai

mujhe barsat men phaili

dhanak bhi achchhi lagti hai

mujhe hathon men chudi ki khanak bhi

achchhi lagti hai

mujhe tum achchhe lagte ho