Achanak ruKH Badalti Ja Rahi Hai

achānak ruḳh badaltī jā rahī hai

zamīñ mehvar se Taltī jā rahī hai

sitāre surḳh hote jā rahe haiñ

har ik taqdīr jaltī jā rahī hai

na jaane ye hayāt-e-harzā-paima

kahāñ girtī-sañbhaltī jā rahī hai

parinde āshiyānoñ ko ravāñ haiñ

musalsal shaam Dhaltī jā rahī hai

mire ba.ad ab mirī ḳhāk-e-lahad meñ

mirī zanjīr galtī jā rahī hai

Leave a Comment