abhi ḳhayal-o-nazar ka ghubar raah men hai
bahar aa ke rahegi bahar raah men hai
baḌhe chalo ki vo manzil abhi nahin aa.i
ye vo maqam hai jis ka shumar raah men hai
hamara kya hai divane hain kuchh bhi kar guzren
yaqin karo ki tumhara vaqar raah men hai
na paanv thamte hain apne na hausle dil ke
suna hai jab se koi ḳhar-zar raah men hai
nazar lage na kahin us ko chand-taron ki
jo ek zarra-e-gardun-shikar raah men hai
Leave a Reply