raqs-e-zamin ko gardish-e-aflak chahiye
naqsh-e-qadam ko farsh-e-khas-o-khak chahiye
mitti to dast-e-kuza-garan men hai der se
bartan men dhalne ke liye chaak chahiye
ham aise sada-lauh se kya mangti hai ziist
is ko harif bhi koi chalak chahiye
kam-fursati ka un ki mujhe bhi lihaz hai
ahval-e-dil ko dida-e-namnak chahiye
thahre hue hain ashk havaon ki aankh men
mausam ko ab ke vahshat-e-bebak chahiye